Psalm 23: Clément Marot

Pseaume XXIII

Dominus regit me, et nihil.Il chante les biens et la felicité qu’il a, et d’une merveilleuse fiance se promect que Dieu, duquel ce bien luy vient, le traictera tousjours de mesmes.

Mon Dieu me paist soubz sa puissance haulte,
C’est mon berger, de rien je n’auray faulte.
En tect bien seur, joignant les beaulx herbages,
Coucher me faict, me mene aux clairs rivages,
Traicte ma vie en doulceur trèshumaine,
Et pour son nom par droictz sentiers me meine
Si seurement, que quand au val viendroye
D’umbre de mort, rien de mal ne craindroye,
Car avec moy tu es à chascune heure,
Puis ta houlette et conduicte m’asseure.
Tu enrichis de vivres necessaires
Ma table, aux yeulx de tous mes adversaires.
Tu oings mon chef d’huiles et senteurs bonnes
Et jusqu’aux bordz pleine tasse me donnes.
Voyre, et feras que ceste faveur tienne
Tant que vivray compaignie me tienne,
Si que tousjours de faire ay esperance
En la maison du Seigneur demourance.


[Originally from The DEFI Project - University of Liege. Psalm 23]


Home
Check out the 100 Hymn Tunes You Should Know

© 2001 Smith Creek Music

Site last updated: January 17, 2007